NASRANI VARTHA

  പാലാ: സെന്റ് തോമസ് ഗ്രൗണ്ടിൽ നടക്കുന്ന 43-ാമത് പാലാ രൂപത ബൈബിൾ കൺവൻഷന്റെ പന്തൽ പണികൾ പൂർത്തിയായി. രൂപതയിലെ ദൈവജനം ഒരുമിച്ചിരുന്ന് തിരുവചനം ശ്രവിക്കുന്നതിനും ദൈവാരാധനയ്ക്കുമായി ഒരുലക്ഷം ചതുരശ്രഅടി വിസ്തീർണ്ണമുള്ള വിശാലമായ പന്തലിൽ മുപ്പതിനായിരം പേർക്ക് ഇരുന്ന് വചനം കേൾക്കാൻ സൗകര്യമുണ്ടായിരിക്കും . ആധുനിക നിലവാരത്തിലുള്ള ശബ്ദവെളിച്ച ക്രമീകരണങ്ങൾ പന്തലിൽ ഒരുക്കിയിട്ടുണ്ട്. ദൈവവചനപ്രഘോഷണത്തിനയി ഒരു ലക്ഷം വാട്ട്സിന്റെ സൗണ്ട് സിസ്റ്റമാണ് ക്രമീകരിച്ചിരിക്കുന്നത്. ഗ്രൗണ്ടിന്റെ ഏതു ഭാഗത്തിരുന്നാലും ശുശ്രൂഷകൾ നേരിട്ടു കാണുന്നതിനുള്ള ആധുനിക ദൃശ്യ സംവിധാനങ്ങളും ഒരുക്കിയിട്ടുണ്ട്. വിവിധ ആത്മീയ ശുശ്രൂഷകൾക്കായി അയ്യായിരം ചതുരശ്രഅടി വിസ്തീർണ്ണമുള്ള സ്റ്റേജും പന്തലിൽ പൂർത്തിയായി. രോഗികൾക്കായി മെഡിക്കൽ എയ്ഡ്, വീൽചെയർ, ആംബുലൻസ് സൗകര്യങ്ങൾ പന്തലിൽ ഏർപ്പെടുത്തിയിട്ടുണ്ട്. ആത്മീയ പുസ്തകങ്ങളും മറ്റു ഭക്തവസ്തുക്കളും വാങ്ങുന്നതിനായി വിവിധ ഭക്തസംഘടനകളുടെ നേതൃ ത്വത്തിലുള്ള സ്റ്റാളുകൾ ഗ്രൗണ്ടിലും കുമ്പസാരത്തിനുള്ള ക്രമീകരണങ്ങൾ ഗ്രൗണ്ടിനോടു ചേർന്നുള്ള സെന്റ് തോമസ് കോളേജ് ഓഡിറ്റോറിയത്തിലും ക്രമീകരിച്ചിരിക്കുന്...

  സിഡ്‌നിയിൽ കഴിഞ്ഞ ദിവസം പതിനാറ് പേരുടെ ജീവനെടുത്ത ഭീകരാക്രമണത്തിന്റെ ഇരകൾക്കും അവരുടെ പ്രിയപ്പെട്ടവർക്കും സാമീപ്യവും ഐക്യദാർഢ്യവും പ്രഖ്യാപിച്ചും, പ്രാർത്ഥനാശംസകൾ ഏകിയും ലിയോ പതിനാലാമൻ പാപ്പാ. വത്തിക്കാൻ സ്റ്റേറ്റ് സെക്രെട്ടറി കർദ്ദിനാൾ പരൊളീനാണ് പരിശുദ്ധ പിതാവിന്റെ പേരിൽ സിഡ്‌നി ആർച്ച്ബിഷപ് ആന്റണി ഫിഷറിന് ടെലെഗ്രാം സന്ദേശമയച്ചത്. സംഭവത്തെ, അവിവേകപരമായ അക്രമപ്രവർത്തിയെന്ന് വിശേഷിപ്പിച്ച പാപ്പാ, അക്രമത്തിനുള്ള പ്രലോഭനം നേരിടുന്നവർ, മനഃപരിവർത്തനത്തിലൂടെ സമാധാനത്തിന്റെയും ഐക്യത്തിന്റെയും മാർഗ്ഗത്തിലേക്ക് മടങ്ങട്ടെയെന്ന് പ്രത്യാശ പ്രകടിപ്പിച്ചു. പരിക്കേറ്റവർ വേഗം സുഖമാകട്ടെയെന്ന് ആശംസിച്ച പാപ്പാ, അപകടത്തിൽ ജീവൻ നഷ്ടപ്പെട്ട പ്രിയപ്പെട്ടവരെക്കുറിച്ച് ദുഃഖിക്കുന്നവർക്ക് സാന്ത്വനം നേരുകയും, മരണമടഞ്ഞവരെ പിതാവായ ദൈവത്തിന്റെ കരുണയ്ക്ക് സമർപ്പിക്കുകയും ചെയ്തു.

  കടുത്തുരുത്തി: മാർ തോമാ സ്ലീവായുടെ തിരുനാളി നോടനുബന്ധിച്ച് ഇന്നു മലങ്കരയിൽ പുരാതന സ്ലീവാകളുള്ള പള്ളികളിലൂടെ മാർതോമാ നസ്രാണികൾ തീർഥാടനം നടത്തും. കോട്ടയം ക്നാനായ യാക്കോബായ വലിയപള്ളി, കടമറ്റം ഓർത്തഡോക്സ് പള്ളി, കോതനല്ലൂർ സീറോമലബാർ പള്ളി, മുട്ടുചിറ സീറോമലബാർ പള്ളി, ആലങ്ങാട് സീറോ മലബാർ പള്ളി, കോക്കമംഗലം സീറോ മല ബാർ പള്ളി, പള്ളിപ്പുറം സീറോമലബാർ പള്ളി എന്നിവയാണ് പുരാതന സ്ലീവാകളുള്ള പ്രധാന  ദേവാലയങ്ങൾ. 18ന് മാർ തോമാ ശ്ലീഹാ രക്തസാക്ഷിത്വം വരി ച്ച മൈലാപ്പൂരിലെ രക്തം വിയർത്ത അദ്ഭുത സ്ലീവായുടെ പെരുന്നാളിന് തലേദിവസമാണ് സ്ലീവാ തീർഥാടനം നടത്തുന്നത്. ഇന്നു വൈകുന്നേരം അഞ്ചിന് മുട്ടുചിറ പള്ളിയിലും ആറിന് കോതനല്ലൂർ പള്ളിയിലും എത്തുന്ന തീർഥാടനം ഏഴിന് കോട്ടയം ക്നാനായ യാക്കോബായ വലിയപള്ളിയിൽ സമാപിക്കും.

  യൂറോപ്പിലെ സീറോമലബാർ അപ്പോസ്തോലിക് വിസിറ്റേഷന്റെ ജൂബിലി ആഘോഷങ്ങളുടെ ഭാഗമായി, മേജർ ആർച്ചുബിഷപ് മാർ റാഫേൽ   തട്ടിൽ പിതാവ് വത്തിക്കാനിലെ സെന്റ് പീറ്റേഴ്‌സ് ബസിലിക്കയിലേക്കുള്ള ജൂബിലി തീർത്ഥാടനത്തിന് നേതൃത്വം നൽകി. സീറോമലബാർ മെത്രാൻ സിനഡിന്റെ സെക്രട്ടറി ആർച്ച്‌ബിഷപ്പ് മാർ ജോസഫ് പാംപ്ലാനി, യൂറോപ്പിലെ സീറോമലബാർ വിശ്വാസികൾക്കായുള്ള അപ്പോസ്തോലിക് വിസിസ്റ്റേറ്റർ ബിഷപ്പ് മാർ സ്റ്റീഫൻ ചിറപ്പണത്ത് എന്നിവരും വൈദികരും  സമർപ്പിതരും നൂറുകണക്കിന് വിശ്വാസികളും ഈ തീർത്ഥാടനത്തിൽ മേജർ ആർച്ചുബിഷപ്പിനെ അനുഗമിച്ചു. സാർവത്രികസഭയോടും പ്രത്യേകിച്ച്, വിശുദ്ധ പത്രോസിന്റെ സിംഹാസനത്തോടുമുള്ള  സഭാത്മക ഐക്യത്തിന്റെ പ്രകാശനമായിരുന്നു ഈ തീർത്ഥാടനം. ആഴമായ പ്രാർത്ഥനാഭാവത്തോടുകൂടി,  മേജർ ആർച്ച്‌ബിഷപ്പ് മാർ റാഫേൽ തട്ടിൽ, സെന്റ് പീറ്റേഴ്‌സ് ബസിലിക്കയിലെ വിശുദ്ധ കവാടത്തിലൂടെ പ്രവേശിച്ചു തന്റെ അജപാലന ശുശ്രൂഷയ്ക്ക് ഏല്പിക്കപ്പെട്ടിരിക്കുന്ന സീറോമലബാർ വിശ്വാസികൾക്കായി ദൈവത്തിന്റെ സമൃദ്ധമായ കരുണയും കൃപയും അപേക്ഷിച്ചു. ആത്മീയ നവീകരണത്തിന്റെയും പ്രത്യാശയുടെയും പ്രതീകമായ ഈ തീർത്ഥാടനം, ജൂബിലി വർഷത്തിലെ ...

  ചേർപ്പുങ്കൽ:  മൈലാപ്പൂരിലെ രക്തം വിയർത്ത അത്ഭുത മാർത്തോമ്മാ സ്ലീവായുടെ തിരുനാളിനോടനുബന്ധിച്ച് മാർ തോമാ ശ്ലീഹാ സ്ലീവാ നാട്ടിയ  ചേർപ്പുങ്കൽ ഉറവിടപ്പള്ളിക്കൽ (ഹൈവേയ്ക്ക് സമീപം മീനച്ചിലാറിന്റെ തീരത്ത്) സുറിയാനി നമസ്കാരവും നസ്രാണി സമുദായ ദേശ യോഗവും നടക്കും.ഡിസംബർ 18 വ്യാഴാഴ്ച വൈകുന്നേരം 6.00 മണിക്ക് നടക്കുന്ന നമസ്കാരത്തിനും ദേശയോഗത്തിനും സീറോ മലബാർ സഭ എക്യുമെനിക്കൽ കമ്മീഷൻ സെക്രട്ടറി ഫാ.സിറിൽ തോമസ് തയ്യിൽ, ചേർപ്പുങ്കൽ മാർ സ്ലീവാ ഫൊറോന പള്ളി വികാരി ഫാ. മാത്യു തെക്കേൽ എന്നിവർക്കൊപ്പം മറ്റ് വൈദികരും നേതൃത്വം നൽകും.

  പാലാ: 2025 ഡിസംബർ 19 മുതൽ 23 വരെ നടക്കുന്ന 43മത് പാലാ രൂപത ബൈബിൾ കൺവൻഷൻ്റെ വോളണ്ടിയേഴ്‌സിനുള്ള ഒരുക്ക ധ്യാനം അരുണാപുരം സെൻ്റ്.തോമസ് ദൈവാലയത്തിൽ നടന്നു. ശുശ്രൂഷയിൽ   അണക്കര മരിയൻ ധ്യാനകേന്ദ്രത്തിൽ നിന്നും ഫാ.അനൂപ്, ബ്ര.ജോസ് വാഴക്കുളം എന്നിവർ വചനം പങ്കുവെച്ചു.  വരാനിരിക്കുന്ന അഞ്ച് കൺവൻഷൻ ദിനങ്ങൾ ഓരോരുത്തരിലും ഈശോ മനുഷ്യാവതാരം ചെയ്യുന്ന പുണ്യദിനങ്ങളായി മാറണമെന്ന് മുഖ്യസന്ദേശം നൽകിയ വികാരി ജനറാൾ മോൺ. സെബാസ്റ്റ്യൻ വേത്താനത്ത് ഉദ്ബോധിപ്പിച്ചു. വിശുദ്ധഗ്രന്ഥ വചനങ്ങളെ സാക്ഷിയാക്കി ബ്രദർ ജോസ് വാഴക്കുളം ശുശ്രൂഷകരുടെ കടമകളെക്കുറിച്ച് സംസാരിച്ചു. കേരളത്തിലെ റോം എന്നറിയപ്പെടുന്ന പാലായിലെ  വിശ്വാസികൾക്ക് തങ്ങളുടെ ദൗത്യത്തിന്റെ മഹത്വം നന്നായി അറിയാമെന്ന് അദ്ദേഹം കൂട്ടിച്ചേർത്തു. സഹജീവികളോടുള്ള കരുതൽ ജീവിതത്തിൽ വലിയ അനുഗ്രഹങ്ങൾക്ക് കാരണമാകുമെന്ന് ഫാ. അനൂപ് ഓർമ്മിപ്പിച്ചു. പ്രാർത്ഥനയ്ക്കും ആരാധനയ്ക്കും ശേഷം ഇവാഞ്ചലൈസേഷൻ അസിസ്റ്റൻ്റ് ഡയറക്ടർ ഫാ.ആൽബിൻ പുതുപ്പറമ്പിൽ ദിവ്യകാരുണ്യ ആശീർവാദം നൽകി.  2025 ഡിസംബർ 19 മുതൽ 23 വരെയാണ് കൺവെൻഷൻ ക്രമീകരിച്ചിരിക്കുന്നത്. അരുണാപുരം പള്ളി ...

  കൊച്ചി: കേരള കത്തോലിക്ക മെത്രാൻ സമിതിക്ക് (കെ സി ബി സി)പുതിയ ഭാരവാഹികൾ.മോൺ. വർഗീസ് ചക്കാലക്കൽ പുതിയ പ്രസിഡണ്ടായി തിരഞ്ഞെടുക്കപ്പെട്ടു.ബിഷപ്പ് സാമുവൽ മാർ ഐറേനിയസ് വൈസ് പ്രസിഡണ്ടായും ആർച്ച് ബിഷപ്പ് മാർ തോമസ് തറയിൽ ജനറൽ സെക്രട്ടറിയായും തെരഞ്ഞെടുക്കപ്പെട്ടു

         ഇസ്‌താംബുളിലെ ബ്ലൂ മോസ്ക് സന്ദർശിച്ചപ്പോൾ അവിടെ പ്രാർത്ഥിച്ചിരുന്നോ മാധ്യമ പ്രവർത്തകന്റെ ചോദ്യത്തിന് തന്റെ പ്രാർത്ഥനാ ജീവിതത്തിൻ്റെ ആഴവും ലാളിത്യവും വെളിപ്പെടുത്തുന്ന ലിയോ പതിനാലാമൻ പാപ്പായുടെ മറുപടി ശ്രദ്ധേയമാകുന്നു. “ആരാണ് ഞാൻ പ്രാർത്ഥിച്ചില്ലെന്ന് പറഞ്ഞത്? ഒരുപക്ഷേ ഈ നിമിഷം പോലും എൻ്റെ പ്രാർത്ഥന തുടരുന്നുണ്ടാകാം. സത്യം പറഞ്ഞാൽ, എൻ്റെ ആത്മാവിന് കൂടുതൽ ആശ്വാസം നൽകുന്നതു പരിശുദ്ധ കുർബാനയുടെ ജീവനുള്ള സാന്നിധ്യമുള്ള ഒരു കത്തോലിക്കാ പള്ളിയിൽ പ്രാർത്ഥിക്കുന്നതാണ്" പാപ്പ വ്യക്തമാക്കി.  കാസ്റ്റൽ ഗണ്ടോൾഫോയിലെ പാപ്പായുടെ വേനൽക്കാല വസതിയിൽ നിന്ന് വത്തിക്കാനിലേക്ക് മടങ്ങുന്നതിനിടെയായിരുന്നു മാർപാപ്പയുടെ ഈ പ്രസ്താവന.

  പാലാ: 43 മത് പാലാ രൂപത ബൈബിള്‍ കണ്‍വെന്‍ഷന്റെ ക്രമീകരണങ്ങള്‍ വിലയിരുത്താനായി പാലാ ആര്‍ഡിഒ ജോസുകുട്ടി കെ എം ന്റെ അധ്യക്ഷതയില്‍ ഉന്നതഉദ്യോഗസ്ഥതല അവലോകന യോഗം ചേര്‍ന്നു. ആർഡിഒ ചേംബറിൽ നടന്ന യോഗത്തിൽ  എം.എൽ.എ മാണി.സി.കാപ്പൻ, പോലീസ്, ഫയര്‍ഫോഴ്‌സ്, ട്രാഫിക്, കെ.എസ്.ഇ.ബി, ഹെൽത്ത് തുടങ്ങിയ വിവിധ വകുപ്പുകളിലെ ഉദ്യോഗസ്ഥര്‍ പങ്കെടുത്തു. വികാരി ജനറാള്‍ മോണ്‍.സെബാസ്റ്റ്യന്‍ വേത്താനത്ത്, ഡിവൈഎസ്പി കെ.സദൻ, പാലാ രൂപത  ഇവാഞ്ചലൈസേഷൻ ഡയറക്ടർ ഫാ. ജോസഫ്  അരിമറ്റത്ത്, പി.എസ്.ഡബ്ല്യു എസ് ഡയറക്ടർ ഫാ.തോമസ് കിഴക്കേൽ, ഫയർ ആൻഡ് റെസ്ക്യൂ ഓഫീസർ ജോസഫ് ജോസഫ്, കെ എസ് ഈ ബി അസിസ്റ്റൻ്റ് എൻജിനിയർ ബിബിൻ ജി.എസ്, പാലാ ട്രാഫിക് പോലീസ് എ എസ് ഐ അജേഷ്കുമാർ, ജോയിൻ്റ് ആർടിഒ സന്തോഷ്കുമാർ കെ. ജി, WECO പാലാ റേഞ്ച് ഓഫീസർ സുജാത സി ബി, ഗവൺമെൻ്റ് ഹോസ്പിറ്റൽ പി.എച്ച്.എൻ ഇന്ദുകുമാരി, ജോര്‍ജുകുട്ടി ഞാവള്ളില്‍, തോമസ് പി ജെ പാറയിൽ, പോള്‍സണ്‍ പൊരിയത്ത് തുടങ്ങിയവര്‍ പങ്കെടുത്തു.

 കാക്കനാട്: മേജർ ആർച്ചുബിഷപ്പിന്റെ വത്തിക്കാൻ സന്ദർശനം സംബന്ധിച്ച മാധ്യമ വാർത്തകൾ  തെറ്റിദ്ധാരണ പരത്തുന്നതാണെന്ന് സീറോ മലബാർ സഭ വക്താവ് ഫാ. ടോം ഓലിക്കരോട്ട് ഔദ്യോഗിക പ്രസ്താവനയിൽ അറിയിച്ചു.മാർപാപ്പയെ കാണാൻ മാർ റാഫേൽ തട്ടിൽ പിതാവ് അങ്ങോട്ട് സമയം ചോദിച്ചാണ് യാത്രതിരിച്ചിരിക്കുന്നത്.അത് സംബന്ധിച്ച് സീറോ മലബാർ സഭയുടെ ഔദ്യോഗിക പ്രസ്താവനയുടെ പൂർണ്ണരൂപം താഴെ കൊടുക്കുന്നു: സീറോമലബാർ സഭയുടെ മേജർ ആർച്ചുബിഷപ്പ് മാർ റാഫേൽ തട്ടിൽ പിതാവ്, സിനഡ് സെക്രട്ടറി ആർച്ചുബിഷപ്പ് മാർ ജോസഫ് പാംപ്ലാനി പിതാവിനോടൊപ്പം, പരിശുദ്ധ പിതാവ് ലെയോ പതിനാലാമൻ മാർപാപ്പയെ സന്ദർശിക്കുന്നതിനായി ഇന്നു രാവിലെ (11/12/2025) റോമിലേക്ക് യാത്രതിരിച്ചു. മേജർ ആർച്ചുബിഷപ്പിന്റെ അഭ്യർത്ഥനപ്രകാരം ലെയോ പതിനാലാമൻ മാർപാപ്പ വ്യക്തിപരമായ കൂടിക്കാഴ്ചയ്ക്ക് സമയം അനുവദിച്ചിരിക്കുന്നത് 2025 ഡിസംബർ മാസം പതിനഞ്ചാം തീയതി രാവിലെ 10 മണിക്കാണ്. മാർപാപ്പയുമായി കൂടിക്കാഴ്ച നടത്തുന്ന മേജർ ആർച്ചുബിഷപ്പും സിനഡ് സെക്രട്ടറിയും പൗരസ്ത്യ സഭകൾക്കുവേണ്ടിയുള്ള കാര്യാലയവും വത്തിക്കാനിലുള്ള മറ്റ് കാര്യാലയങ്ങളും സന്ദർശിക്കുന്നതാണ്. മേജർ ആർച്ചുബിഷപ്പിന്റെ വത്തി...