ലീഗ് സ്വാധീനം ഭരണ തലത്തിൽ.!

 ക്രൈസ്തവ പിന്നോക്കാവസ്ഥ  പഠിച്ച ജസ്റ്റീസ് ജെ.ബി. കോശി കമ്മീഷന്റെ ശിപാർശകൾ, കഴിഞ്ഞ മന്ത്രിസഭ തത്വത്തിൽ അംഗീകരിച്ചിരിക്കേ, അവ നടപ്പാക്കാൻ യുഡിഎഫ് സർക്കാരിന് ആത്മാർഥമായ ആഗ്രഹവും ആർജവവും ഉണ്ടോ എന്നു സംശയിക്കേണ്ടിയിരിക്കുന്നു.

ഉണ്ടായിരുന്നെങ്കിൽ, ന്യൂനപക്ഷ വകുപ്പുമന്ത്രിയായി ഒരു ക്രൈസ്‌തവനെ നിയോഗിക്കുമായിരുന്നല്ലോ. പാലൊളി കമ്മിറ്റി യുടെ ശിപാർശകൾ നടപ്പാക്കുന്ന സമയത്തെ ലൈൻ അതായിരുന്നില്ലേ? 2013ൽ ആരംഭിച്ചതു മുതൽ ഇന്നുവരെ ഈ വകുപ്പ് എന്തുകൊണ്ടാണ് ഒരു കൂട്ടർ മാത്രം കൈകാര്യം ചെയ്യുന്നത്? 

എന്തുകൊണ്ടാണ് കേരളമെമ്പാടും ന്യൂനപക്ഷ കമ്മീഷനിലെ പ്രാതിനിധ്യത്തിൽ സാമുദായിക സന്തുലനം തീരെ ഇല്ലാത്തത്? എന്തുകൊണ്ടാണ് ന്യൂനപക്ഷ ക്ഷേമ ഡയറക്‌ടറേറ്റിലെ 22 ജീവനക്കാരിൽ എല്ലാവരും മുസ്‌ലിംകൾ ആയിരിക്കുന്നത്? (വിവരാവകാശ നിയമപ്രകാരം ലഭിച്ച ഈ കണക്ക് ജെ.ബി. കോശി കമ്മീഷൻ റിപ്പോർട്ടിൽ കാണാം.) എന്തുകൊണ്ടാണ് അവിടെ സുപ്പർവൈസറിൽ താഴെയുള്ള ജീവനക്കാരുടെ നിയമനത്തിനു കൃത്യമായ ചട്ടങ്ങൾ ഇല്ലാത്തത്?

എന്തുകൊണ്ടാണ് പ്രധാനമന്ത്രി ജൻവികാസ് കാര്യക്രം പോലെയുള്ള പദ്ധതികൾ, മുഖ്യമായും മുസ്‌ലിം കേന്ദ്രീകൃത ജില്ലകളിൽ നടപ്പാക്കുന്നത്? ജെ.ബി. കോശി കമ്മീഷൻ റിപ്പോർട്ടനുസരിച്ച്, മലപ്പുറം ജില്ലയിൽ തന്നെ 25 സെന്ററുകൾ ആണ് ഇതിനായിട്ടുള്ളത്. 43.48 ശതമാനം ക്രൈസ്‌തവരുള്ള കോട്ടയം ജില്ലയിൽ  ഈ പദ്ധതിക്കായി തെരഞ്ഞെടുത്തിരിക്കുന്നത്, മുസ്‌ലിംകൾ കൂടുതലുള്ള ഈരാറ്റുപേട്ട മുൻസിപ്പാലിറ്റി മാത്രമാണ്. ന്യൂനപക്ഷങ്ങളിൽ ക്രൈസ്തവർക്ക് ഭൂരിപക്ഷമുള്ള എറണാകുളം ജില്ലയിൽ മൂന്ന് സെന്ററുകൾ മാത്രമേ ഉള്ളൂ.!

ഇടുക്കി, വയനാട്, പത്തനംതിട്ട തുടങ്ങിയ മലയോര പ്രദേശങ്ങൾ പിന്നാക്കാവസ്ഥയിൽ ആണെങ്കിലും കാര്യമായ സെൻ്ററുകളില്ല! എന്തുകൊണ്ടാണ് പ്രധാനമന്ത്രി ജൻവികാസ്കാര്യക്രം പദ്ധതിയുടെയുടെ നടത്തിപ്പിനും മേൽനോട്ടത്തിനുമായി സംസ്ഥാന സർക്കാർ വിവിധ ജില്ല കളിൽ രൂപംനൽകിയിട്ടുള്ള പ്രത്യേക സമിതികളിൽ സന്തുലിതാവസ്ഥ ഇല്ലാത്തത്? മതന്യൂന പക്ഷങ്ങളിൽ ക്രിസ്‌ത്യാനികൾ കൂടുതൽ താമസിക്കുന്ന പത്തനംതിട്ട ജില്ലയിൽ ഈ സമിതി രൂപീകരിച്ചിട്ടില്ല! എറണാകുളം ജില്ലയിൽ മതന്യൂ നപക്ഷങ്ങളിൽ ക്രിസ്‌ത്യാനികളാണ് കൂടുതലെങ്കിലും ക്രിസ്ത്യൻ സമുദായത്തിൽനിന്ന് ആരും തന്നെ ഈ ജില്ലാതല സമിതിയിൽ ഇല്ല; അതേ സമയം, ക്രിസ്ത്യാനികളുടെ അംഗസംഖ്യയിൽ, പകുതിയിൽ താഴെ മാത്രം അംഗസംഖ്യയുള്ള മുസ്ലിം സമുദായത്തിൽ നിന്ന് രണ്ട് അംഗങ്ങളുണ്ട്.

ഇടുക്കിയിൽ മുസ്‌ലിംകളേക്കാൾ ആറിരട്ടി ക്രിസ്‌ത്യാനികളുണ്ടെങ്കിലും, ജില്ലാ സമിതിയിൽ മൂന്നു മുസ്‌ലിംകൾ ഉള്ളപ്പോൾ, ക്രിസ്‌ത്യാനികൾ ആരും തന്നെ ഇല്ല! തിരുവനന്തപുരം ജില്ലയിൽ മുസ്‌ലിംകളേക്കാൾ കൂടുതൽ ക്രിസ്ത്യാനികൾ ഉണ്ടെങ്കിലും, ജില്ലാ സമിതിയിലെ മൂന്ന് അംഗ ങ്ങളും മുംസ്‌ലിംകളാണ്!

എന്തുകൊണ്ടാണ്ന്യൂനപക്ഷപ്രമോട്ടേഴ്സ‌ിൻ്റെ കാര്യത്തിൽ സന്തുലിതാവസ്ഥ ഇല്ലാത്തത്? തിരുവനന്തപുരം 55 പ്രമോട്ടർമാരിൽ 45 പേര് മുസ് ലിംകളാണ്; 10 പേർ മാത്രമേ ക്രൈസ്‌തവരുള്ളൂ! വയനാട്ടിൽ 28 പേരിൽ 22 മുസ്‌ലിംകളാണ്; ആറു പേർ മാത്രമേ ക്രിസ്‌ത്യാനികളായുള്ളൂ.

എറണാകുളത്ത് 64 പ്രൊമോട്ടർമാരിൽ 47ഉം മുസ്ലിംകളാണ്; 17 പ്രൊമോട്ടർമാരേ ക്രിസ്‌ത്യാനികളായുള്ളൂ! കോട്ടയത്ത് 55 പേരിൽ 33 പേരും മുസ് ലിംകളാണ്; ക്രൈസ്‌തവരായ പ്രൊമോട്ടർമാർ 22 പേർ മാത്രം!