നൂറിന്റെ നിറവിൽ പാ​ലാ രൂ​പ​ത​യു​ടെ വലിയ ഇടയൻ

  റെനി തോമസ്, ചീഫ് എഡിറ്റർ, നസ്രാണി വാർത്ത

  ഒളിമങ്ങാത്ത ശിശു സഹജമായ പുഞ്ചിരി പുഞ്ചിരിയും ആത്മീയ ശാന്തതയുടെ നൈർമല്യവും ഉറവ വറ്റാത്ത കരുണയുടെ ഹൃദയവുമായി എണ്ണ വറ്റാത്ത വിളക്കുമരമായി പാ​ലാ രൂ​പ​ത​യു​ടെ ദ്വി​തീ​യ ബി​ഷ​പ് മാ​ര്‍ ജോ​സ​ഫ് പ​ള്ളി​ക്കാ​പ​റ​മ്പി​ലിൽ ഇന്ന് നൂ​റിൻ്റെ നിറവിൽ.

ഇക്കഴിഞ്ഞ വിശുദ്ധവാര തിരുകർമ്മങ്ങളിലും പിതാവ് തൻറെ അജഗണത്തിനായി പ്രാർത്ഥിച്ചുകൊണ്ട് പാതിരാക്കുർബാനയിലും മറ്റും സജീവമായി പങ്കെടുത്ത് സിംഹാസന പള്ളിയായ പാലാ കത്തീഡ്രലിൽ ഉണ്ടായിരുന്നു. നിർമ്മല സ്നേഹത്തിൻറെ പ്രഭ ചൊരിയുന്ന വലിയ പിതാവിൻറെ ചുറ്റിലും അപ്പോഴും പിഞ്ചു കുഞ്ഞുങ്ങൾ ഉണ്ടായിരുന്നു.

രൂപതയുടെ പ്രഥമ ബിഷപ്പായിരുന്ന മാർ സെബാസ്റ്റ്യൻ വയലിലിന്റെ പിൻഗാമിയായി പാലാ രൂപതയെ തൻറെ കരങ്ങളിൽ ഏറ്റുവാങ്ങുമ്പോൾ ഏറെ കാര്യങ്ങൾ പൂർത്തിയാക്കാനുണ്ടായിരുന്നു. തെല്ലും പതറാതെ രൂപതയ്ക്ക് ചുക്കാൻ പിടിച്ച പള്ളിക്കാപറമ്പിൽ പിതാവ് രൂപതയെ സംസ്ഥാനത്തിന്റെ മുന്നോട്ടുള്ള പോക്കിൽ തന്നെ നിർണായക ശക്തിയാക്കി മാറ്റുന്നതിൽ വലിയ പങ്കു വഹിച്ചു.

 2004ല്‍ ​വി​ര​മി​ക്കുന്നതു വരെ പ്രാർത്ഥനയോടെ സമൃദ്ധിയിൽ രൂപതയെയും ആത്മീയവും ഭൗതികവുമായ സമൃദ്ധിയിൽ നയിച്ചു.അതേ ചൈതന്യവും ആത്മീയതയും പ്രൗഢിയും ഇന്ന് മാർ ജോസഫ് കല്ലറങ്ങാട്ടിലൂടെ തുടരുന്നത്  വലിയ പിതാവ് സുകൃതമായി കരുതുന്നു.  പ്രാർത്ഥനയിലും പ്രവൃത്തിയിലും ധാരാളിത്തവും ഭക്ഷണത്തിൽ മിതത്വവും കാണിക്കുന്ന പള്ളിക്കാപറമ്പിൽ പിതാവിനെപോലെ തന്നെ കു​ടും​ബ​ത്തി​ല്‍ ഏ​റെപ്പേരും വലിയ ആയുസ്സിന്റെ ഉടമകൾ. അ​പ്പ​ന്‍ 104 വ​യ​സി​ലും വ​ല്യ​പ്പ​ന്‍ 99 വ​യ​സി​ലു​മാ​ണ് മ​രി​ച്ച​ത്. ജീ​വി​ത​ത്തി​ലെ നി​ഷ്ഠ​യും പ്രാ​ര്‍​ഥ​ന​യും ഭ​ക്ഷ​ണ​വുമാണ് ഇതിനുപിന്നിൽ.  

എ​സ്ബി കോ​ള​ജി​ല്‍ ഇ​ന്‍റ​ര്‍​മീ​ഡി​യ​റ്റും ട്രി​ച്ചി സെ​ന്‍റ് ജോ​സ​ഫ്‌​സ് കോ​ള​ജി​ല്‍ ബി​എ​യും ചെ​ന്നൈ ല​യോ​ള കോ​ള​ജി​ല്‍ എം​എ​യും ക​ഴി​ഞ്ഞ് 22-ാം വ​യ​സി​ലാ​ണ് ദൈ​വ​വി​ളി അ​റി​ഞ്ഞ് ച​ങ്ങ​നാ​ശേ​രി മൈ​ന​ര്‍ സെ​മി​നാ​രി​യി​ൽ പ്രവേശിക്കുന്നത്. മാ​ര്‍ ജ​യിം​സ് കാ​ളാ​ശേ​രിയാണ് മൈ​ന​ര്‍ സെ​മി​നാ​രി​യി​ല്‍ പ്ര​വേ​ശ​നം നൽകിയത്. 1958 നവംബര്‍ ഇരുപത്തി മൂന്നിന് റോമില്‍വച്ച് പ്രോപ്പഗാന്ത കോണ്‍ഗ്രിഗേഷന്റെ പ്രിഫെക്റ്റ് ആയിരുന്ന കര്‍ദ്ദിനാള്‍ അഗജീനിയന്റെ കൈവയ്പ്പ് വഴിയാണ് അദ്ദേഹം പൗരോഹിത്യം സ്വീകരിച്ചത്.  1962 -ലാണ് പിതാവ് തിരിച്ച് കേരളത്തില്‍ എത്തുന്നത്. ആ കാലത്ത്, മാര്‍ക്സിയന്‍ കാഴ്ചപ്പാടുകളെക്കുറിച്ച് ഫിലോസഫിയില്‍ ഡോക്ടറേറ്റ് കരസ്ഥമാക്കിയ പിതാവ്, റോമിലെ മലബാര്‍ കോളേജില്‍ പ്രിഫെക്ട് ആയും നിയമിതനായിരുന്നു.

1962 -ല്‍ അദ്ദേഹം തിരികെ കേരളത്തിലേയ്ക്ക് എത്തിയപ്പോള്‍ ഇവിടെ കേരള സുറിയാനി കത്തോലിക്കാസഭ നിര്‍ണ്ണായകമായ ഒരു ചുവടുവയ്പ്പിന് ഒരുങ്ങുകയായിരുന്നു.  വടവാതൂര്‍ സെന്റ്‌ തോമസ്‌ അപ്പസ്തോലിക് സെമിനാരിയുടെ ആരംഭമായിരുന്നു അത്. ആ വര്‍ഷം ജൂലൈ മൂന്നിന് ഉദ്ഘാടനം ചെയ്യപ്പെട്ട സെമിനാരിയില്‍, ജൂലൈ ഒമ്പതിന് പള്ളിക്കാപറമ്പില്‍ പിതാവ് അദ്ധ്യാപകനായി പ്രവേശിച്ചു.

എന്നാല്‍, മൂന്ന് വര്‍ഷങ്ങള്‍ക്ക് ശേഷം റോമിലെ പ്രോപ്പഗാന്ത കോളേജിലെ വൈസ്റെക്ടര്‍ സ്ഥാനത്തേയ്ക്ക് അദ്ദേഹത്തിന് ക്ഷണം ലഭിക്കുകയും, തുടര്‍ന്നുള്ള ഏതാനും വര്‍ഷങ്ങള്‍ ആ ഉത്തരവാദിത്വം അദ്ദേഹം ഏറ്റെടുക്കുകയും ചെയ്തു.  

1969 -ല്‍ റോമില്‍നിന്ന്  തിരികെ കേരളത്തില്‍ എത്തിയ പിതാവ് സീറോമലബാര്‍ മെത്രാന്‍ സമിതിയുടെ ആവശ്യപ്രകാരം വടവാതൂര്‍ സെന്റ്‌ തോമസ്‌ അപ്പസ്തോലിക് സെമിനാരിയുടെ റെക്ടര്‍ സ്ഥാനം ഏറ്റെടുത്തു. പൗ​രോ​ഹി​ത്യ​ജീ​വി​ത​ത്തി​ല്‍ ഒ​രു ദി​വ​സം​പോ​ലും പിതാവ് ഇ​ട​വ​ക വി​കാ​രി​യാ​യി​രു​ന്നി​ട്ടി​ല്ല! 

1973ല്‍ ​പാ​ലാരൂപതയുടെ  സ​ഹാ​യ​മെ​ത്രാ​നാ​യി.മെ​ത്രാ​ന്‍​പ​ദ​വി​യി​ലിരിക്കെ  752 ഡീ​ക്ക​ൻ​മാ​ർ​ക്കു പൗ​രോ​ഹി​ത്യപ​ട്ടം ന​ല്‍​കി​യി​ട്ടു​ണ്ട്. 

ആ​ത്മീ​യ ശു​ശ്രൂ​ഷ​യി​ല്‍ വാ​ഴ്ത്ത​പ്പെ​ട്​ര്‍​പ​റ​മ്പി​ല്‍ കു​ഞ്ഞ​ച്ച​ൻ്റെ സാന്നിധ്യവും അനുഗ്രഹവും ഉണ്ടായിരുന്നു പിതാവിന്!രാ​മ​പു​രം പ​ള്ളി​യി​ല്‍ വച്ച് മാ​മോ​ദീ​സ ന​ല്‍​കി​യ​ത് അ​മ്മ​യു​ടെ അ​മ്മാ​വ​നാ​യി​രു​ന്ന കു​ഞ്ഞ​ച്ച​നാ​ണ്. കു​ഞ്ഞ​ച്ച​ന്‍റെ മൃ​ത​സം​സ്‌​കാ​രം ന​ട​ത്താ​ന്‍ നി​യോ​ഗ​മു​ണ്ടാ​യ​തും പള്ളിക്കാപറമ്പിൽ പിതാവിനാണ്. 1973ല്‍ ​ സ​ഹാ​യ​മെ​ത്രാ​നാ​യി ര​ണ്ടു മാ​സം ക​ഴി​ഞ്ഞാ​യി​രു​ന്നു അ​ത്.   കു​ഞ്ഞ​ച്ച​നെ ധ​ന്യ​നാ​യി പ്ര​ഖ്യാ​പി​ച്ച​തി​നും അ​ല്‍​ഫോ​ന്‍​സാ​മ്മ​യെ വാ​ഴ്ത്ത​പ്പെ​ട്ട​വ​ളാ​യി ഉ​യ​ര്‍​ത്തി​യ​തി​നും ക​ബ​റി​ട​ങ്ങ​ള്‍ തു​റ​ന്ന​തി​നും സാ​ക്ഷ്യം വ​ഹി​ക്കാ​നാ​യി.

പിതാവിന്റെ ശിഷ്യരായിരുന്ന ഏറെ മെത്രാന്‍മാരും വൈദികപ്രമുഖരും ഇന്ന് കേരളസഭയുടെ മുഖ്യധാരയിലുണ്ട്. മാര്‍ ജോസഫ് പെരുന്തോട്ടം, ബിഷപ്പ് എബ്രഹാം മാര്‍ ജൂലിയസ്, മാര്‍ ജേക്കബ് അങ്ങാടിയത്ത്, മാര്‍ മാത്യു ആനിക്കുഴിക്കാട്ടില്‍, മാര്‍ മാത്യു അറക്കല്‍ തുടങ്ങിയവര്‍ അവരില്‍ ചിലര്‍ മാത്രം.

ഭൗതികവികസനപ്രവര്‍ത്തനങ്ങളെക്കാള്‍ കൂടുതലായി അജപാലനരംഗങ്ങളിലാണ് അദ്ദേഹം ശ്രദ്ധകേന്ദ്രീകരിച്ചത്. ആണ്ടുവട്ടത്തില്‍ മുപ്പത് ഞായറാഴ്ചകളിലെങ്കിലും ഇടവകകളില്‍ ചെലവഴിക്കുവാനും, ചെറുതും വലുതുമായ ഇടവകകളിലെ അംഗങ്ങളുമായി നേരിട്ടുള്ള ആത്മബന്ധം സൃഷ്ടിക്കുവാനും അദ്ദേഹം ശ്രമിച്ചിരുന്നു. ഇടവകകളില്‍ പ്രവര്‍ത്തിച്ചിരുന്ന കെസിഎസ്എല്‍, ലീജിയന്‍ ഓഫ് മേരി, മിഷന്‍ലീഗ് തുടങ്ങിയ ഭക്തസംഘടനകളുടെ പ്രവര്‍ത്തനം കൂടുതല്‍ സജീവമാക്കുവാനും, കുട്ടികള്‍ കൂടുതല്‍ തീക്ഷ്ണതയോടെ ഭക്തകൃത്യങ്ങളില്‍ മുഴുകുവാനും വേണ്ടതെല്ലാം അദ്ദേഹം ചെയ്തു. അതിന്റെ ഫലമായാണ്, ഒരുപക്ഷേ, ലോകത്തില്‍ തന്നെ ഏറ്റവും കൂടുതല്‍ ദൈവവിളികളുള്ള രൂപതയായി പാലാ രൂപതയ്ക്ക് മാറുവാന്‍ കഴിഞ്ഞത്. 

​ഇ​ല​ഞ്ഞി​യി​ലെ കാ​ർ​ഷി​ക കു​ടും​ബാം​ഗ​മെ​ന്ന നി​ല​യി​ൽ കൃ​ഷിയിൽ തല്പരനായ വലിയ പിതാവിന്  തന്റെ രൂപതയിലെ ഓരോ പള്ളിയിലും ഓരോ മരങ്ങളും നിൽക്കുന്ന സ്ഥാനം വരെ അറിയാം ഇപ്പോഴും! പാ​ലാ ബി​ഷ​പ്സ് ഹൗ​സി​നു മു​ന്നി​ൽ, ഫല സമൃദ്ധിയിൽ നിലകൊള്ളുന്ന ര​ണ്ടു കൂ​റ്റ​ൻ മാ​വു​ക​ളും 1983ൽ പിതാവിൻറെ നിർദ്ദേശപ്രകാരം നട്ടതാണ്.